दिनांक 25 सप्टेंबर 2025 रोजी ठाणे महानगरपालिकेतील कामगार कर्मचारी अधिकाऱ्यांना सन 2024 -2025 या आर्थिक वर्षासाठी अनुग्रह अनुदान अदा करण्याचे मागणी पत्र ठाणे महानगरपालिकेतील एकमेव मान्यता प्राप्त करणाऱ्या संघटना म्युनिसिपल लेबर युनियनच्यावतीने ठाणे महानगरपालिका प्रशासनात सादर करण्यात आले.गेला काही वर्षात ठाणे महानगरपालिकेतील मोठ्या प्रमाणात कर्मचारी अधिकारी सेवानिवृत्त झाले आहेत. तसेच ठाणे महानगरपालिका क्षेत्रातील लोकसंख्या आजच्या घडीला 28 लाखाच्या वर गेली असून त्यामानाने कर्मचाऱ्यांच्या संख्येत वाढ झालेली नाही. अशा स्थितीतही सध्या कार्यरत अधिकारी कर्मचारी अत्यंत जोमाने काम करत असून त्यांनी महापालिकेच्या उत्पन्नात लक्षणीय वाढ घडवून आणली आहे.अत्यंत विपरीत परिस्थितीतही नागरिकांना सेवा देण्यासाठी सदैव तत्पर असलेल्या आणि महापालिका कामगार कर्मचारी अधिकारी यांना 2025 च्या दिवाळीपूर्वी सन 2024- 25 या आर्थिक वर्षाच्या एकूण वित्तलब्धीचा 20 टक्के रक्कम अनुदान म्हणून अदा करण्याची मागणी करण्यात आली आहे. तसेच सदर विषयी तातडीने चर्चा करून सन्माननीय तोडगा काढण्याची विनंती माननीय श्री सौरभ राव साहेब आयुक्त ठामपा यांना करण्यात आली आहे.या प्रसंगी संघटनेचे कार्याध्यक्ष मोहन तिवारी, सरचिटणीस चेतन आंबोणकर, उपाध्यक्ष बालू मुंडे, कोषाध्यक्ष विजय खानविलकर, सहाय्यक सरचिटणीस आनंदा पावणे, चिटणीस नरेश पाटील, सुरेश इंगळे, कैलास पवार, बाळाराम महाडिक,उत्तम रामगुडे, संतोष चव्हाण,मोहन जगदाळे,ज्येष्ठ कार्यकर्ते भिमराव मनोहर,कुणाल मते व इतर पदाधिकारी उपस्थित होते.